جۋىردا ورال قالاسىنداعى «اسىل ميراس» جەكە قوعامدىق قورىنىڭ قولداۋىمەن «بايتەرەك» بقو قب» باسقارماسىنىڭ عيماراتىندا اۋتيزم دەر­تىنە شالدىققان بالالارعا جاردەم بەرۋگە ارنالعان كوپبەيىندى ورتالىق اشىلعان بولاتىن. بۇگىندە اتالمىش ورتالىق اۋتيزم دەرتىنە ۇشىراعان وبلىستاعى 100-دەن استام  بالاعا  ەم جۇرگىزە باستادى.

– «اسىل ميراس» اۋتيزم ورتا­لىعى 2015 جىلى العاش الماتىدا اشىلدى. سودان كەيىن وسكەمەن، قىزىلوردا، استانا قالالارىندا قىزمەتىن باستادى. ورتالىق 15 جاسقا دەيىنگى اۋتيستىك سپەكتر دەرتىنە شالدىققان بالالاردى قابىلدايدى. قازاقستان بويىنشا ارناۋلى دياگنوستيكادان 2600دەن استام بالا ءوتتى. «اۋتيزم. بارشاعا ءبىر الەم» باعدارلاماسى اۋقىمىندا 2151 بالاعا تەگىن كو­ مەك كورسەتىلدى. ورتالىق ادىستە­مەسى حالىقارالىق زەرتتەۋلەرگە نەگىزدەلگەن. عىلىمي كەڭەسشىلەر اتا-انالارعا اقپاراتتىق جانە پسي­­حولوگيالىق قولداۋ كورسەتەدى، – دەدى قوعامدىق قوردىڭ ديرەكتو­رى مارات ايماعامبەتوۆ. «بايتەرەك» بقو قب» باسقار­ما­سىنىڭ ءتورايىمى مەرۋەرت سان­كايەۆانىڭ ايتۋىنشا، بولات وتەمۇراتوۆ قورىنىڭ «اۋتيزم. بار­شاعا ءبىر الەم» اۆتورلىق باعدارلا­ماسى ليسەنزياسىنىڭ قۇنى 8 ملن. 240 مىڭ دوللار تۇرادى. كوم­پانيا باعدارلاما نەگىزىندە ورال­دىق سەگىز ماماندى وقىتقان. ورالدا اۋتيزم ورتالىعىنىڭ اشىلاتىنىن ەستىگەن كۇنى 47 اتاانا حابارلاسقان. ونىڭ ىشىندە وزگە وبلىستاردان دا قوڭىراۋ شالىپ ۇلگەرگەن. ازىرشە ورتالىق كومەگى تەگىن. مەرۋەرت سانكايەۆا سۇرانىستىڭ كوپتىگىنە بايلانىس­تى الداعى ۋاقىتتا ورتالىقتىڭ اقىلى بولىمدەرى اشىلۋى مۇمكىن ەكەنىن ايتتى. اۋتيزمگە 7-10 جانە 11-15 جاستاعى بالالار كوپ شالدىعادى. حالىقارالىق ساراپ­شىلار قازاقستاندا اSD دەر­تىنە شالدىققان بالالاردىڭ سا­نى 60 مىڭعا جۋىق ەكەنىن حابارلا­دى. ورالدا دا اۋتيزمگە ۇشى­را­عان بالالار سانى الداعى ۋا­قىتتا ناقتى انىقتالادى. مامان­ داردىڭ ايتۋىنشا، اۋتيزم – مي جۇيەسىنىڭ اۋىتقۋى. بالا سىرتقى قۇبىلىستاردى قابىلداي الماي­دى. گەنەتيكالىق جولمەن بەرىلۋى مۇمكىن اۋتيزم بەلگىلەرى دەر كە­زىندە بايقالماعاندىقتان، قو­عام­عا بەيىمدەلۋى جاي جۇرەدى. سون­دىق­تان ەرتە دياگنوستيكادان وتكىزىپ، مە­ديسينالىق قانا ەمەس، بالا مەن ونىڭ اتا-اناسىنا پسيحولوگيا­لىق جانە پەداگوگيكالىق قولداۋ قا­جەت-اق. ورتالىقتا ماماندار با­لا­نىڭ سويلەۋ داعدىسىن دامى­تۋعا، كۇندەلىكتى ومىرگە بەيىم­دە­لۋگە، ءوزارا جانە وتباسى­مەن قا­­­رىم-قاتىناسىن جەتىلدىرۋگە كو­مەكتەسەدى. اتا-انالار بالا­لار­دىڭ ءجۇرىس-تۇرىسىن رەتتەۋدى ءۇي­رە­­نە­ءدى، مىنەز-قۇلىق ەرەكشەلىگىن قابىلدايدى، ءوزىن كىنالى سەزىنۋ­ءدى قو­يىپ، ىشكى سەنىمى نىعايادى. دياگ­نوزدىڭ انىقتالۋىنا وراي ەمدەۋ ۋاقىتى ءۇش نەمەسە ودان دا كوپ ايعا جالعاسادى. «اسىل ميراس» جەكە قوعامدىق قورىنىڭ نەگىزىن قالاعان مەسەنات بولات وتەمۇراتوۆ – «ۆەرنىي كا­پيتال» كومپانيالار توبىنىڭ نە­ گىزگى اكسيونەرى. كاسىپكەر «Forbes» رەيتينگىندە قازاقستاندىق ۇزدىك­ تەردىڭ قاتارىندا.